Monday, September 21, 2009

တက္ကသိုလ် သရဲ

(ဒီတခါ တင်ပြတဲ့ သရဲ ဇတ်လမ်းက ကိုယ့်တွေ့တော့ မဟုတ်ပါ။ ၁၉၈၁- ၁၉၈၂ ခုနှစ်
ပတ်ဝန်းကျင်က ရန်ကုန်တက္ကသိုလ်မှာ နာမည်ကျော်ခဲ့တဲ့ “ကျောပေါက်ကြီး သရဲ”
ဇတ်လမ်း ဖြစ်ပါတယ်။)

၁၉၈၁ ခုနှစ်တွင် တက္ကသိုလ်များ ဆေးရုံးသို့ ကျောင်းသူ လူနာ တစ်ဦး
အရေးပေါ်အခြေအနေဖြင့် ရောက်ရှိ ခဲ့ပါတယ်။ ယင်းကျောင်းသူမှာ မာလာဆောင်က ဟု
ကျောင်းသားလောက ကဆိုကြပါတယ်။ ထိုကျောင်းသူသည် ထိုခေတ်က ဒေသကောလိပ်မှ
တဆင့် ရန်ကုန်တက္ကသိုလ် ပင်မတွင် အထူးပြု သိပ္ပံဘာသာရပ် တစ်ခုအား တက်ရောက်
ပညာသင်ကြား နေသူ ဖြစ်ပါတယ်။

ထိုကျောင်းသူသည် လက်တွေ့ခန်း (Practical room) တွင် လက်တွေ့ ပညာရပ်များ
သင်ကြားပြီး မိမိ နေထိုင်ရာ အဆောင်သို့အခြား ကျောင်းသူ
သူငယ်ချင်းများနှင့်အတူ ပြန်လာ ခဲ့ပါတယ်။ အဆောင်သို့ မရောက်မီ သူ့မ၏
လွယ်အိတ် အတွင်း၌ ပစ္စည်း တစုံတခု ကို ရှာဖွေ ပါတယ်။ ထိုနောက်
သူငယ်ချင်းများကို “နင်တို့ အဆောင်ကို အရင်ပြန်နှင့်အုံး၊ ငါ့
မှတ်စုစာအုပ် လက်တွေ့ခန်းမှာ ကျန်ခဲ့ပြီး၊ အဲဒါ ပြန်သွား ယူလိုက်အုံးမယ်၊
နီးနီးလေးဘဲ
ကိစ္စ မရှိဘူး၊ ငါ တစ်ယောက်တည်း သွားလိုက်မယ်” လို့ ပြောပြီး
လက်တွေ့ခန်းဘက်သို့ ထွက်ခွာ သွားပါတယ်။

သူငယ်ချင်းများလည်း ထိုကျောင်းသူနှင့် လမ်းခွဲပြီး
အဆောင်သို့ပြန်လာခဲ့ပါတယ်။ နာရီဝက်ခန့် အကြာတွင် ထိုကျောင်းသူသည်
ခြေထောက်တွင် ဖိနပ်မပါဘဲ မောကြီး ပန်းကြီးဖြင့် အဆောင်အတွင်း သို့
ပြေးဝင် လာပါတယ်။ သူမအား ဘာဖြစ်လာလဲ၊ ဘယ်သူက
ဘာလုပ်လိုက်လဲလို့ ၀ိုင်းမေးကြသော်လည်း ဘာမှ ပြန်မဖြေဘဲ ၀မ်းနည်းစွာ
ငိုကြွေးနေပါတယ်။ ထူးခြားပုံမှာ သူမငိုနေချိန်၌ ငိုသံ လုံးဝ မထွက်ပါ။
အဆောင်မှူး အပါအ၀င် အဆောင်ရှိ သူငယ်ချင်းများ မေးသော မေးခွန်းများကို
ပြန်မဖြေနိုင်တော့ပါ။ တကိုယ်လုံး ခြစ်ခြစ်တောက် ကိုယ်ပူလာတာကို
တွေ့ရသောကြောင့် သူမကို တက္ကသိုလ်များ ဆေးရုံးသို့ တင်ပို့လိုက် ရပါတယ်။

ဆေးရုံးရောက်ပြီး ထိုကျောင်းသူသည် ထူးဆန်းစွာ စကားသံလုံးဝ မထွက်ဘဲ အ တဲ့
ပုံစံ ဖြစ်သွားပါတယ်။ ဆေးရုံးရှိ ဆရာဝန်များက အမျိုးမျိုး စမ်းသပ်
စစ်ဆေးသော်လည်း ကိုယ့်ခန္ဓာတွင် ထိခိုက်မှု လုံးဝ မတွေ့ရှိရပေ။
ထိုကျောင်းသူသည် တစုံတခုကို လုံးဝ စိုးရိမ် ကြောက်လန့်နေသော ပုံစံဖြင့်
စိတ္တဇ ဆန်ဆန် ဖြစ်လာ ပါတယ်။ အဲဒီလိုပုံစံဖြင့် ဆေးရုံးတွင် နှစ်ပတ်နီးပါး
ကြာမြင့်လာသော အခါ နယ်မှ မိဘများ လိုက်လာပြီး နယ်သို့ ပြန်လည်ခေါ်ဆောင်
သွားပါတယ်။ နောက်တစ်လလောက် ကြာသောအခါ ထိုကျောင်းသူသည်
ပုံမှန်အနေအထားဖြင့် ကျောင်းသို့ ပြန်လည် ရောက်ရှိ ခဲ့ပါတယ်။ ထိုအခါကြမှ
သူမ လက်တွေ့ခန်းသို့ မှတ်စု စာအုပ် ပြန်ယူခဲ့သော ထိန့်လန့်ဖွယ်
ဖြစ်ရပ်ဆန်းကို ကျောင်းသား လောကက ကြားသိ ရပါတယ်။

သူမသည် မှတ်စု စာအုပ်ယူရန် လက်တွေ့ခန်းကို သွားရောက်ခဲ့ပါတယ်။
အခန်းအတွင်းသို့ ၀င်လိုက်သော အခါ သူမထက် အသက် အရွယ်အရ ဆယ်နှစ်နီးပါး
ကြီးရင့်သော လူကြီးတစ်ယောက် အခန်းအတွင် ဟိုဘက်လျှောက်လိုက်
ဒီဘက်လျှောက်လိုက် လုပ်နေတာကို တွေ့ရပါတယ်။ သူမက ကျောင်းမှ သန့်ရှင်းရေး
အလုပ်သမား အောင်မေ့ပြီး ထိုလူကြီးအား “ကျမ မှတ်စု စာအုပ် မေ့ကျန်ခဲ့လို့
လာယူတာပါ” ဟု ပြုံးပြပြီး အခန်းအတွင်းရှိ သူမ ထိုင်ခဲ့သော စာရေးခုံမှ
စာအုပ်ကို လိုက်ရှာပါတယ်။ စာအုပ်ကို လုံးဝ မတွေ့သောကြောင့် သူမက
ထိုလူကြီးအား “ဒီနားမှာ စာအုပ်လေး တစ်အုပ်များ
တွေ့မိသလား”လို့မေးလိုက်ပါတယ်။ ထိုအခါ ထိုလူကြီးက ...

“ငါလည်း နင်လိုဘဲ ၁၉၇၄ ခုနှစ် ဦးသန့် အရေးအခင်းတုန်းက
အိမ်ပြန်နောက်ကျနေတဲ့ ငါ့ညီမလေးကို လိုက်ရှာ နေတာ ဒီနေ့ထိဘဲ”

“ရှင်၊ ဦးလေးက ၁၉၇၄ ခုနှစ် ဦးသန့် အရေးအခင်း ကတည်းက ဦးလေး ညီမလေးကို
လိုက်ရှာနေတာ၊ ဦးလေး ဆိုလိုတာကို ကျမ သဘော မပေါက်ဘူး”

“အေး၊ မင်းနားလည်းအောင် ငါပြောပြမယ်၊ ဦးသန့် အရေးအခင်းတုန်းက ငါနဲ့
ငါ့ညီမလေးက ဒီရန်ကုန်တက္ကသိုလ်မှာ ကျောင်းအတူတူ တက်ခဲ့တာပေါ့၊ စစ်တပ်က
သေနတ်တွေနဲ့ ပြစ်တဲ့နေ့မှာ ငါ့ညီမလေးကို ငါ စိတ်ပူလို့
ဒီလက်တွေ့ခန်းဘက်ကို အလာ စစ်တပ်ကငါကို ပြစ်လိုက်လို့ ငါသေသွားတာပေါ့၊
ဂျီးသရီးနဲ့ ပြစ်တာလေ၊ မယုံရင် ဒီမှာကြည့်၊ ငါနောက်ကျောမှာ ဘာမှ
မရှိတော့ဘူး”

ဟု ဆိုပြီး ထိုလူကြီးက သူ့အင်္ကျီ နောက်ကျောကို လှန်ပြပါတယ်။

ထိုသို့ လှန်ပြလိုက်သော အခါ ထိုလူကြီး နောက်ကျောဘက်တွင် ဘာမှ မရှိဘဲ
သေနတ်နှင့် ပြစ်လိုက်သော အခါ ပွင့်ထွက်သွားသော ပုံစံ အခေါင်းပေါက်ကြီး
မြင်တွေ့ ရပါတယ်။ ထိုအခါ ထိုကျောင်းသူ ရုတ်တရက် ကြောက်လန့်သွားပြီး
လက်တွေ့ခန်း အတွင်းမှ အလျင်အမြန် ပြေးထွက် ခဲ့ပါတယ်။ ထိုအခါ
ထွက်ပြေးသွားသော ကျောင်းသူအား ထိုလူကြီးက အသံနက်ကြီးဖြင့်
လှမ်းပြောလိုက်ပါ သေးတယ်။

“ဦးသန့် အရေးအခင်းတုန်းက ပျောက်သွားတဲ့ ငါ့ညီမလေးကို တွေ့ရင် ငါဒီမှာ
စောင့်နေတယ်လို့ ပြောပေးပါ၊ ညီမလေးရယ်”

ယင်းကိစ္စ သတင်းများ ထွက်ပေါ်ပြီး မယုံကြည်သော အဆောင်နေ ကျောင်းသား
နှစ်ဦးသည် လောင်းကြေး ပုံစံ အလောင်းအစား လုပ်၍ ယင်း သိပ္ပံ
လက်တွေ့ခန်းတွင် ညဘက် သွားရောက် အိပ်စက်ကြပါတယ်။ မနက် မိုးလင်းသော အခါ
ထိုကျောင်းသား နှစ်ဦးအား တက္ကသိုလ် အာဏာပိုင်များက တက္ကသိုလ်များ
ဆေးရုံးသို့ ထပ်မံပို့ဆောင် လိုက်ရကြောင်း သိရပါတယ်။

အဆိပ်ခွက်

16 comments:

စိမ်း... said...

သရဲဆိုကြောက်လို့ မဖတ်တော့ဘူး ... ညကျရင် နောက်ဖေးမသွားရဲမှာစိုးလို့... :P

သံလွင် HeRo said...

ကြောက်ကြောက်နဲ့ဖတ်သွားပါတယ်...ညီရေ

ဝက်ဝံလေး said...

ဖတ်ဖူးပြီးသား အရက်ခွက်ရေ ထပ်သိချင်လို့ ထပ်ဖတ်သွားတယ် ငါ ကသရဲဆို သေအောင် ကြောက် အဲ သေအောင် ကြိုက်တာ သရဲဇာတ်လမ်းကို ည တယောက်တည်း ကြည့်တာလေ ဒါကြောင့် ဟိဟိ

ဘိုင် တာ့တာ

စိုင်းစိုင်းလားရှိုး said...

ကြားတော့ကြားဖူးသား ခုမှပဲ သေချာသိတော့တယ်
အောင်မြတ်လေး ကြောက်တယ် ကြောက်တယ် သရဲ

Angel Shaper said...

ကြောက်ဖို့ကောင်းလိုက်တာနော်။ လန့်တောင်လန့်တယ်။

pin said...

ကြားတော့ကြားဖူးပါတယ်။ ဒါပင်မယ့် ကြားဖူးတယ့် ဇာတ်လမ်းက ကွန်ပါဘူး ဇာတ်လမ်းပါ။ ဘာပဲ ဖြစ်ဖြစ် ဖတ်ရလို့ အရမ်းကျေးဇူးတင်ပါတယ်။ နောက်လဲ အများကြီးတင်ထားပေးပါ။ သရဲ ဆို ကြောက်လဲကြောက်ပါတယ်။ စူးစမ်းရတာလဲ ကြိုက်ပါတယ်။

htet said...

မဆိုးပါဘူး...စိတ်ဝင်စားဖို့ကောင်းပါတယ်

khin oo may said...

http://www.zuzuaung.info/


တက္ကသိုလ်မှ သရဲ
Posted by zuzu in တရဲတစ္ဆေဇာတ်လမ်းများ on Dec 19th, 2010 | 0 comments
တက္ကသိုလ်မှ သရဲ

(ဒီတခါ တင်ပြတဲ့ သရဲ ဇတ်လမ်းက ကိုယ့်တွေ့တော့ မဟုတ်ပါ။ ၁၉၈၁- ၁၉၈၂ ခုနှစ်
ပတ်ဝန်းကျင်က ရန်ကုန်တက္ကသိုလ်မှာ နာမည်ကျော်ခဲ့တဲ့ “ကျောပေါက်ကြီး သရဲ”
ဇတ်လမ်း ဖြစ်ပါတယ်။)

၁.............
ထိုသို့ လှန်ပြလိုက်သော အခါ ထိုလူကြီး နောက်ကျောဘက်တွင် ဘာမှ မရှိဘဲ
သေနတ်နှင့် ပြစ်လိုက်သော အခါ ပွင့်ထွက်သွားသော ပုံစံ အခေါင်းပေါက်ကြီး
မြင်တွေ့ ရပါတယ်။ ထိုအခါ ထိုကျောင်းသူ ရုတ်တရက် ကြောက်လန့်သွားပြီး
လက်တွေ့ခန်း အတွင်းမှ အလျင်အမြန် ပြေးထွက် ခဲ့ပါတယ်။ ထိုအခါ
ထွက်ပြေးသွားသော ကျောင်းသူအား ထိုလူကြီးက အသံနက်ကြီးဖြင့်
လှမ်းပြောလိုက်ပါ သေးတယ်။

“ဦးသန့် အရေးအခင်းတုန်းက ပျောက်သွားတဲ့ ငါ့ညီမလေးကို တွေ့ရင် ငါဒီမှာ
စောင့်နေတယ်လို့ ပြောပေးပါ၊ ညီမလေးရယ်”

ယင်းကိစ္စ သတင်းများ ထွက်ပေါ်ပြီး မယုံကြည်သော အဆောင်နေ ကျောင်းသား
နှစ်ဦးသည် လောင်းကြေး ပုံစံ အလောင်းအစား လုပ်၍ ယင်း သိပ္ပံ
လက်တွေ့ခန်းတွင် ညဘက် သွားရောက် အိပ်စက်ကြပါတယ်။ မနက် မိုးလင်းသော အခါ
ထိုကျောင်းသား နှစ်ဦးအား တက္ကသိုလ် အာဏာပိုင်များက တက္ကသိုလ်များ
ဆေးရုံးသို့ ထပ်မံပို့ဆောင် လိုက်ရကြောင်း သိရပါတယ်။

http://asatekhwat.blogspot.com/2009/09/blog-post_21.html မှ ကူးယူသည်။

Anonymous said...

အတူတူပဲဟိဟိ

Tzo Thank Zaw Oo said...

ပြင်းစရာကြီး

Tzo Thank Zaw Oo said...

ပြင်းစရာကြီး

Anonymous said...

မဆိုးပါဘူး

လင်းလင်း said...

အင်း ကောင်းပါတယ်

Anonymous said...

very very good

Lawonn said...

ကြောက်ဖို့ကောင်းလိုက်တာ

Anonymous said...

နည်းနည်းကောင်းပါတယ်